Advertisement

Habagat Magdudulot ng ‘Severe Impact’ sa Luzon; 31 Patay, Milyon Apektado — NDRRMC

Inaasahang magdudulot ng “severe” na epekto ang patuloy na pag-ulan dulot ng habagat sa ilang bahagi ng Luzon simula bukas, ayon sa state meteorologists.

Kabilang sa inaasahang makakaranas ng matinding abala ang Bataan, Bulacan, Nueva Ecija, Pampanga, Tarlac, at Zambales, kung saan posibleng maantala ang normal na gawain ng mga residente at negosyo.

Ayon sa National Disaster Risk Reduction and Management Council (NDRRMC), umabot na sa 31 ang nasawi dulot ng mga bagyong Luis, Maymay, Neneng at pinalakas na habagat, habang tatlo pa ang nawawala sa Quezon City, Maynila, at Batangas.

Mahigit 7.7 milyong katao ang apektado, kung saan halos 28,910 ang pansamantalang nanunuluyan sa 346 evacuation centers. Lumampas na rin sa P1.42 bilyon ang naipamahaging tulong.

Umabot sa P5.5 bilyon ang pinsala sa imprastraktura at P1.9 bilyon naman sa agrikultura. Nasa 104 lugar na ang nasa state of calamity.

Sa Bulacan, 79 barangay pa ang lubog sa baha, habang sa Pangasinan ay nagsimula nang magpakawala ng tubig ang San Roque Dam, dahilan upang paalalahanan ang mga komunidad malapit sa Agno River na mag-ingat.


Discover more from CALABARZON TRENDS

Subscribe to get the latest posts sent to your email.

Leave a Reply

Discover more from CALABARZON TRENDS

Subscribe now to keep reading and get access to the full archive.

Continue reading