Advertisement

HOLLYWOOD STAR AT HUMANITARIAN ADVOCATE NA SI ANGELINA JOLIE, DUMATING SA PILIPINAS BILANG SPEAKER SA ASEAN SUMMIT 2026

#ASEANSUMMIT2026 | Dumating sa Pilipinas ngayong Martes, Nobyembre 10, ang Hollywood actress at humanitarian advocate na si Angelina Jolie upang lumahok sa 2026 ASEAN Inclusive Growth Summit na nakatakdang idaos sa Maynila sa Nobyembre 11.

Inaasahang magiging isa si Jolie sa mga tampok na tagapagsalita sa naturang pagtitipon na magsasama-sama ng mga lider, eksperto at kinatawan mula sa iba’t ibang sektor upang talakayin ang mahahalagang usapin hinggil sa inklusibong pag-unlad, paglago ng ekonomiya at pantay na oportunidad sa Southeast Asia.

Bukod sa kanyang matagumpay na karera sa Hollywood, kinikilala rin si Jolie sa kanyang matagal nang pagsusulong ng mga adbokasiyang makatao, partikular sa pagtatanggol sa karapatan ng mga refugee, kababaihan at mga bata.

Nagsilbi siya bilang Goodwill Ambassador ng United Nations High Commissioner for Refugees (UNHCR) mula 2001 hanggang 2012, bago naging Special Envoy ng ahensiya mula 2012 hanggang 2022.

Sa kanyang paglahok sa summit, inaasahang mabibigyang-pansin ang kahalagahan ng pagtiyak na walang sektor ng lipunan ang maiiwan sa pag-unlad, gayundin ang pagtugon sa mga hamong kinakaharap ng mga mahihirap at bulnerableng komunidad sa rehiyon. #

#CalabarzonTrends

Leave a Reply

Discover more from CALABARZON TRENDS

Subscribe now to keep reading and get access to the full archive.

Continue reading