Advertisement

Tatlo Patay sa Magkakahiwalay na Pamamaril sa Calabarzon

Tatlong katao ang nasawi sa magkakahiwalay na insidente ng pamamaril sa Batangas, Quezon at Rizal ngayong linggo.

Sa Lipa, Batangas, patay ang isang 49-anyos na lalaki matapos barilin ng hindi pa nakikilalang salarin habang nakatayo sa harap ng kanyang bahay sa Barangay Rizal pasado alas-7 ng gabi noong Miyerkules.

Ayon sa anak ng biktima, nakarinig siya ng mga putok at agad na lumabas upang tingnan ang nangyayari. Doon niya nakita ang kanyang ama na nakahandusay, habang nasa malapit ang gunman. Muli umanong nagkasa ng baril ang salarin at pinaputukan pa nang dalawang beses ang biktima bago tumakas sakay ng motorsiklo.

Idineklarang dead on arrival ang biktima sa Divine Love Medical Center.

Sa Candelaria, Quezon, isa ring 50-anyos na lalaki ang napatay matapos pagbabarilin ng mga hindi pa nakikilalang suspek habang nakatayo sa harap ng isang tindahan sa Barangay Pahinga Norte bandang alas-9 ng gabi noong Miyerkules. Ilang basyo ng bala ang narekober sa lugar ng insidente.

Samantala, isang hindi pa nakikilalang babae ang binaril at napatay malapit sa isang simbahan sa Barangay Inarawan, Antipolo, Rizal noong Martes ng gabi. May suot umano itong dog tag na may nakasulat na pangalang “Aiza” at idineklarang dead on arrival sa Mambugan Hospital.

Patuloy ang imbestigasyon ng mga awtoridad upang matukoy ang mga salarin at motibo sa tatlong magkakahiwalay na pamamaril.

Source: Philstar


Discover more from CALABARZON TRENDS

Subscribe to get the latest posts sent to your email.

Leave a Reply

Discover more from CALABARZON TRENDS

Subscribe now to keep reading and get access to the full archive.

Continue reading